Ãngapykuaaty

 Psicología- Ãngapykuaaty

Psicología oje’éva  «ãngapy rehegua ñemoarandu», ou ñe’ẽ Griego (psykhé-gui); psique ã, ha (logía); ñemoarandu ha ñepohãno); mba’ekuaa ojesarekóva ava reko ha hi’angapýre mba’eichaitépa.

 Psicología oipyguara ñane akã, ñañandúva, jajesarekóvare, ñanembopy’ahatãvare, ñanembopy’akyrỹivare, ñane apytu’ũ mba’eichaitépa omba’apo, pe katupyry, tekove arandu  jarekóva, joguerekokuaa ambue ava aty ndive, py’aporã ha py’a tyai. Oiporu hetaháicha tembiapo ava aty ndive ohechakuaa hag̃ua mba’eichaitépa oho hekovekuéra; jajuhu avei tasyohárupi.

Ko’ág̃arupi umi Psicólogo-kuéra oñemoaranduve kakuaa ha mitãmimi ãngapy jeguereko porã, ñembosaraiharakuérape, momaranduharakuérape, umi abogado ha umi forence-kuérape avei. 

Mba’épe ñanepytyvõ

Ñanepytyvõ ñehekombo’épe, ñamohovake hag̃ua apañuái ñanderekopve ombyaiséva ha ñane ãngapy ; umi psicólogo-kuéra hetaháicha oñeha’ã ojapo hag̃ua hembiapo ha ñanepytyvõvo ñanderekovépe, ha’ekuérakatu oheka mba’eichagua jesareko térã pohãnópa ome’ẽta pe tapichápe, upéva ivaietereíramo térã ivevýiramo mba’asy. Umi jajuhuvéva pe jesarekorã ha’e: mba’ekuaa jára, tekopy, tekopy-mba’ekuaa, joguerekokuaa, myesakãhára akãnguapegua, ýrõkatu ojehe’apa guasu ko’ã pehẽ; ikatu ojejapo peteĩ avápente katu avei, tapicha omendávape ipehẽnguekuéra ndive térã ava aty ñaimehaguéichape. Heta psicólogo oĩ oiporúva pe hipnosis oje’éva, ombovevýi haĝua tasy, py’aperere ha kangyvai oreguerekóva.

Pytyvõ ome’ẽva ñandéve mba’apohápe,ogapýpe ha ambuépe.

Tuicha mba’éko psicología oje’eha ñanemba’apohápe sapy’ánte ku ñaneko’ẽ vaimíramo hína térã ñaneirũ niomeporãivaicha jahechakuaava’erã umíva ava yvy ape áriguaháicha jaguerekontevoi umíva; ko’ã mba’épeñanepytyvõ, oĩramo pe jepoyhu ñane irũnguérandi jahechakuaámavoi mba’éichapa hína hekove, ovy’ápa, ojepy’apýpa, hetia’épa, hasẽsépa ha opamba’e.

Ñande rogapýpe oiméramo ñande sy térã ru ñañeha’ãva’erã jaguerekoporã ñane mitãme , avei ñorairõ ñamboyke ichuguikuéra umíva ikatúgui ojapovai hesekuéra, okakuaa asy ko’ã mba’épe tuicha pytyvõ ogueru  psicología; terapia familiar héra peteĩ ñemoñe’ẽ ojapóva sicólogo-kuéra sy ry ha ta’ýra térã tajýrape.

Oiméramo mbo’ehára, ñañeha’ã ñañemopy’a hatã, heta temimbo’e oĩ oguerekóva apañuái hogapýpe, mbo’ehaópemante ojuhu pe jehayhu,py’aguapy ha pe jerovia omombe’u haĝua mba’épa ojehu chupe, upévarã jaguerekóva’erã peteĩ py’a ijýva jarogueraha porãvo umi mba’e osẽnteva ñande raperãme, amo ipahápe opaicharei ñanepytyvõ ko mba’e neporãva ñañe’ẽtaramo hese ñamboysýita opa kuatia oĩva rehe ha ndohupytypamo’ãi.

Ohaimbohasa:Karai Duarte