ÁRA OHASA RIRE MANTE REIKUAAPYHÝTA

Ára ohasa rire rehechakuaa pe tenondegua ndaha’éi ra’e pe iporãvéva, upe ag̃aguaite rehasavahínakatu.

Ára ohasa rire reikuaapyhy umi ñe’ẽpohýi ereva’ekue pochypópe, ikati gueteri oporombohasy tekove pukukue jave

Ára ohasa rire rehechakuaa reñopũramo nde irũ ñe’ã, tekoayhu ndaha’evéima upe mboyve guaréicha

Ára ohasa rire reikuaapyhy oimeraẽva oporoñyrõ, ha oporoñyrõjerakatu umi ipy’amarangatúvante

Ára ohasa rire rehechakuaa mba’e rehasáva ñavõ tapicha ñavõndive peteĩ jeýnte oiko

Ára ohasa riremante rehechakuaa pe oapo’iva’ekue hapichápe, ag̃aite ag̃avépe ohasáta avei umi mba’e ha hetaitereive hekoroyrõta

Ára ohara rire reikuaapyhy umi mba’e py’arag̃éme rejapóva térã jopyjopýpe, amo ipahápe ndaha’éi reha’arõhaguéicha

Ára ohasa rire reikuaapyhýta ñyrõjera ñeme’ẽmo’ã térã ijerure, ere rehayhuha, ehechaga’uha, reikotevẽha hese, tyvy renondépe, ndojehuporãvéima ndéve

Ha ipanéva árakatu ohasa rirémante

“Yvypóra pya’eterei ituja ha iñarandu ka’aruetereíma”

“Nañande’arapa’ũvéima”

Ohaimbohasa: Karai Duarte