Eheja

Eheja tojeka, anive nderova'atã reguerochichĩ.

Eheja taipochy ipochýva.

Eheja tandekaguai, ambue reko nandéi. 

Eheja to'apa, ha ani rejepy'apy uperireguáre.

Moõpa aháta, mba'épiko ajapóta.

Avave nokañýi tapére araka'eve, avave ndopytáiva techo'ỹre.

Ohótava niko ohotantevoi.

Opytátava, upéichante avei.

Ñepia'ãiterei niko naiporãi, ñepia'ãiterei katuete nemoapañuãita apyra'ỹ reheve.

Jokupyty

Tembiapo

Ogapy

Irũnguéra

Eheja ipu'akapáva ári, ehypýi ikatu vove, eñembo'e ha ejeroky uperirékatu eheja taipoty ipotyva'erã ha umi o piru tokúi ha'eño.

Umi ojeíva ñandehegui oheja katuete pa'ũ ambue mba'épe g̃uarã,péicha apyra'ỹ léi.

Anivéma reimo'ã ndaiporiveimaha mba'epyahu ndéve g̃uarã, ehejanteva'erã toho nde pype rejokoséva.

Opa vove nde guatamante, opáta juruja, upe mboyve, eheja to'apa, tokúi, toho, tojei, topuka, tahasẽ, eheja toiko.

Ohaimbohasa guaraníme: Karai Duarte