Antóho

Antóho 

Che sy remimombe’u

 Yma Alto Paranáme  roikorõguare nde ru ha nde ryke’y Ramón ndive, oiméneko pe 1.980 rupi mba’e raka’e, oikomi che rehe peteĩ mba’e márõ ahecha’ỹ ha aikuaa’ỹva. Peteĩ arateĩ jave asajepyte rokarupa rire, nde ru, ituva’anga ha mokõi nde ru ryvy’anga oñembosarái varáha rehe.

Upémaramo ha’e chupekuéra, rohomíta Ramón ndive sapy’aite paíno rógape, néi.-he’ijoa chéve hikuái, ag̃uíko che paíno róga opyta ore rógagui. Alto Paranáme ko pe yvy ndaijojái, ápe ikarapeve ha amo ijyvateve ha péicha. Rog̃uahẽma katu paíno rógape, roñomomaitei ha oporandu chéve nde rúre, ha ha’e chupe.

-Ha oime opyta kaséro

Ha ajere cherovayva óga gotyo ha ahecha nde ru ha umi mbohapy tekovépe ovahea oúvo pe ñúre, ohasátama katu hikuái alambrado, upémarõ ha’ejey paíno-pe

-E’a amóina katu ohóma hikuái amo ka’aguy’i gotyo, ha che aimo’ã opyta ógape.

Rojesarekopaitevoi roimehaguéicha ha rohecha oike hikuái ka’aguy’ípe ha nosẽvéi, heta rovy’a paíno ndive ha upekuévo ajesareko jepi ka’aguy gotyo ha ndahechavéi osẽramo hikuái upégui; rojerejey Ramón ndive ógape ha rojuhu nde ru umívape oñembosarái gueteri varáha rehe, chembohuguyho upéva ha aporandu chupekuéra.

- Mamópiko peẽ pehora’e nda’aje’iriete, ha ombohovaijoa chéve hikuái

-Mamove, ndoroku’éi ore ko roimehágui.

Ha upépe opa.

Ohai: Diego Duarte