Pescada-hápe

 Pescada-hápe

Tío Marcial Remimombe'u

Peteĩ pyharépe añembosako’i ha aha ysyrýpe hérava Pirapo apirakutu hag̃ua, pyharepyte jave jasyrendýpe ahechakuaa sapy’a y mbytépe oĩha  yvyra ropytakue ha’ete ku ikaiguéva, hakatu ndahecháiva upe mba’e. Upémarõ añemomombyrymive upe tendágui, upéicharamo jepe aguĩjeýnte opyta chehegui, ava mombyryvéma ha upépe hi’aguĩetevéma opyta chehegui pe yvyra ropyta hũvai. 

Añemondýima upépe ha mba’eve’ỹrõguáicha ambyape che renda alazán, amohendaporãmba pira mimi aikutuakue ha añemombo che renda ári ha aju meme, ahasátavo ambue ysyry ahendu peteĩ oturuñe’ẽpo’i asýva, umi ñanderupirupíva rehegua.

Ambue ára ahajey asaje ka’aru peteĩ che sy kyvy ndive upe tendápe ha ndaipóri mba’eveichagua yvyra ropytakue, upémaramo amombe’u che tiópe mba’e ojehu’akue chéve ange pyhare ha he’i chéve oiméne hag̃ua aipo ãngue ndojuhúiva pytu’u ha oikóva otavahu akõinte yvy ape ári.

He’i avei chéve umi mba’evai ndaikatuiha ohasa ysyry mboypýri, y ha’eha ikaraipyre.

Ha upépe opa.

Ohai: Diego Duarte